Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Paamiuni timersullammaat

PAAMIUT: Timersorumatuut nersorniarlugit innuttaasunit pissanngatigineqarlutik Kunngit pingasuni toqqarneqarput.

2011-mi ukiup timersullammaatut toqqagaavoq niviarsiaraq Rosa Marie Petersen, timersornermik sutigut tamatigut akuulluartarnini pissutigalugu. Rosa Marie Petersen Kommuneqarfimmit 3.000 koruninik pinnappoq. Niviarsiaraqataa Judithe Emilie Thorsen timersornermik piukkunnaatilitut toqqagaasoq, inuttaa Paamiuniinngimmat akissarsiassaa arnaata tiguaa, taanna 2.000 koruuninik aningaasartaqarpoq.

Pisarnertaaq malillugu sungiusaallammak aamma toqqarneqarpoq, toqqaagaavoq Esaias Petersen, taana sulorarnermik sungiusaasarpoq. Esaias Petersen 2.000 koruuninik aamma kajumissaaserneqarpoq. Toqqaanerup saniatigut nersorinninniarluni diplominik aamma tunisisoqarpoq.

Aliikkusersuinermi nuannarineqaqalutik isiginnaartuniillu nillerrattaatigineqarput Paamiuni kalattoortartut meerartaat, scenemi qaqillutik kalattoorsuataarmata. Erinarsoqatigiit Nagdla 85 akornatigut erinarsuutinik aamma erinarsortarput, ilaatigut erinarsuutigineqarluni timersorumatuunik kajumissaasiinermut tunngatitamik taalliarineqarsimasoq erinarsorneqarmat. Malunnartitsineq naggaserlugu qummoroortarnersuaqarpoq.

Allaaserinnittoq assiliisorlu: Søren P. Lyberth.