Attaveqarfik

Kommuneqarfik SERMERSOOQ Kommunikationsafdelingen Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Qilaatersorneq soqutigineqarluartoq

Nuuk: Nuummi Inuusuttut Siuarsartut qilaatersornermik sammisaqartitsinerat aallartilluavippoq, inuusuttunit inersimasunillu 30-t missaanniittunit peqataaffigineqarluni, pingasunngornermi januaarip ulluisa 11-anni, 2012.

Inuit qilaatersornermik atuisarnerat pillugu peqataasut Leif Immanuelsen-imit paasissutissiivigineqarput, taannaassaarlu aamma Nuummi Inuusuttut Siuarsartut aasap tungaanut qilaatersornermik sammisaqartitsineranni ikiuuttussaq.

- Nuanneqaaq qiimmaallannarlunilu soqutiginnillutik takkuttut taama amerlatigisut takullugit. Tullissaanut qilaasiussaagut, taamaalilluta N.U.I.F-imi tigoriaannarnik, inuusuttut namminneq atorsinnaasaannik qilaataateqalerniassagatta, N.U.I.F-imi Pisortaq Rasmine Geisler nuannaaqisoq oqarpoq.

Qilaammik sammisaqartitsineq tulleq februaarip qeqqata missaani pisussatut pilersaarutaavoq. Ullulerneqariarpallu tamanna N.U.I.F-imit nalunaarutigineqassaaq.

Aamma takuuk N.U.I.F-ip nittartagaa: www.nuif.gl

Allattoq: Else Jensen

Assiliisoq: Nukannguaq Geisler