Timersortartut ulluat Timersortarfimmi ingerlanneqarpoq

Timersortarfiup iluani inunnik ulikkaavippoq, soorlu aamma silataani biilinut uninngasarfik biilinik ulikkaavittoq. Iluani nerrivinnik amerlanerusunik inissiisoqarpoq, qeqqaniipporlu orpik, kingusinnerusukkut kaavinneqartussaq. Piorsaanermut Ataatsimiititami siulittaasoq Mille Søvndahl Pedersen tamanik tikilluaqqusivoq Tambourkoprset Nuummi Illoqarfiup Nipilersortartui peqatigalugit nalliussineq aallarnereermassuk. 

Kingornatigut 2011-mi timersornermi kuultinnattut tamarmik uppernarsaammik allagartamik tunineqarput Hinnarik aamma Frederik Elsner nipilersulinnginneranni. Timersortarfiup iluani pisut naggataarlugit orpik kaavinneqarpoq, ulloq tamanna pisut silami qummoroortarnermik naggaserneqannginneranni.

Ataani allassimasut innersuussaasuupput ajugaasuullutillu, ajugaasunullu tunngavigitinneqartoq link malillugu paasineqarsinnaavoq.

Uku ukioq manna aqutsillammattut innersuunneqarput:

• John Thorsen, Nûk isikkamik arsartartut
• Kim O Petersen, GSS assammik arsartartut

Ukioq manna aqutsillammattut toqqarneqarpoq: John Thorsen, 49-nik ukiulik, Nûk isikkamik arsartartut

Ukioq manna sungiusaallammattut innersuunneqarput:

• Kim Jensen, Nuuk Shotokan Karate-Do
• John Thorsen, Nûk isikkamik arsartartut
• Albrecht Damgaard, B-67 badminton
• Nuka B Heilmann, GSS assammik arsartartut
• Tekle Ghebrelul 

Ukioq manna sungiusaasuullammattut toqqarneqarpoq: Kim Jensen, 41-nik ukiulik, Shotokan Karate-Do 

 Ukioq manna timersortartut peqatigiiffiattut/holditut innersuunneqarput:

• Nuuk Shotokan Karate-Do
• GSS assammik arsartartut, U-19 nukappiaqqat
• Nûk isikkamik arsartartut, arnat 

Ukioq manna holditut toqqarneqarput: Nuuk Shotokan Karate-Do 

Uku ukioq manna piukkunnaateqarluartutut innersuunneqarput:

• Jakob Møller, B-67 isikkamik arsartartut
• Marco Geisler, Snowboard klub
• Panu Grønvold, GSS assammik arsartartut
• Thomas Madsen, B-67 badminton 

Ukioq manna piukkunnaateqarluartutut toqqarneqarpoq: Thomas Madsen, 15-inik ukiulik, B-67 badminton. 

Uku kajumissaatitut akissarsisinneqartussatut innersuunneqarput:

• John Kreutzmann, B-67 isikkamik arsartartut
• Qeersaat, timersoqatigiiffik
• Malik Berthelsen, Snowboard klub
• Rakel Poulsen, GSS assammik arsartartut
• Joseph Malby, Nuuk Shotokan Karate-Do 

Kajumissaaserneqarpoq: John Kreutzmann, 39-nik ukiulik, B-67 isikkamik arsartartut 

Uku ukioq manna angutini arnaniluunniit timersullammattut innersuunneqarput:

• Lars Lennert-Sandgreen, Ekstrem Sport
• Johan Frederik Lennert, Ekstrem Sport
• Jens Bjerge, Ekstrem Sport
• Aputsiaq Fleischer Høy, kivittaarinermi aamma pakassumminneq Nuuk
• Tobiasine Abelsen, Nûk isikkamik arsartartut
• Sara Lindskov Jakobsen, B-67 Badminton
• Andreas Lorentzen, GSS assammik arsartartut
• Maasi Maqi, B-67 isikkamik arsartartut
• Michael Damgaard, Snowboard Klub

Ukioq manna timersullammattut toqqarneqarpoq: Tobiasine Abelsen, (Tuppi), 25-nik ukiulik, Nûk isikkamik arsartartut.