Attaveqarfik

Kommuneqarfik SERMERSOOQ Borgmesterip Allattoqarfia Kuussuaq 2
Postboks 1005
3900 Nuuk Tlf.: 36 70 00 Fax: 31 11 51
E-mail: Ammasarfii
  • Attaveqarfik peeruk

Atuartitaaneq pillugu isumasioqatigiinnermi marsip 21-iani 2011 oqalugiaat

Kumoorn, Nuummilu atuartitaaneq pillugu isumasioqatigiinnissamut tikilluaritsi. Nuannerpoq paasillugu, kikkut tamarmik meeqqat atuarfiannik pitsanngorsaanissamik akisussaaffillit isumasioqatigiinnermi matumani sinniisoqartinneqarmata: politikerit, susassaqarfinnit assigiinngitsunik atorfillit, IMAK, Inerisaavik minnerunngitsumillu angajoqqaat atuartullu sinniisaasa siulittaasui. Arlaannattaluunniit meeqqat atuarfiat pitsaanerusoq pilersissinnaanngilaa. Tamatta pisariaqartipparput, tamatta immikkoorluta ataatsimoorlutalu suleqataanissarput.

Meerartavut tassaapput isumalluutitta pingaarnersaat, taakkununnga inuiaqatigiinnullu atuarfimmik meeqqat ataasiakkaat piginnasaat tunngavigalugit ineriartortinneqartussamik taamaasillunilu ilinniagaqalernissamut periarfissiisussamik atuarfeqartitsisariaqarpugut. Tassaavoq inuiaqatigiinni peqataalluarnissamut aqqutissaq, imminut pilersulernissamut aammalu inuttut atukkatigut oqimaaqatigiinngeqisumik atugaqarnerup, Nunatsinnut ilisarnaataaqisup, napparissiteqqinneqarnissaanut atugassaq.

Atuarfik pillugu Inatsisartut peqqussutaat nr. 8, 21. Maj 2002-meersumi Atuarfitsialaap tunngavissai akuerineqarput. Peqatigitillugu aalajangersarneqarput(§38)-mi:
  • Kommunalbestyrelse kommunip atuarfeqarfiinut qullersaalluni akisussavoq
  • Kommunalbestyrelsip atuarfiit sulineranni anguniagassat sinaakkutissallu aalaja-ngersassavai
  • Kommunalbestyrelse atuarfiit sulinerannik nakkutilliisuuvoq.
Taamatut akisussaaffeqarneq nakkutilliisuusussaatitaanerlu kommunalbestyrelsimi pimooruttorujussuuarput.

Akisussaasuuneq nakkutilliisuutitaanerlu ataqatigiipput. Nakkutilleerusuppugut, siunnerfilimmik oqaloqatigiittarnitsigut aporfissat assigiinngitsorpassuit piiarneqarnissaant peqtaassalluta, atuarfiit ataasiakkaat Atuarfitsialaap anguniagaanik naammassinninniassammata.

Ukiakkut 2010-mili kommunalbestyrelsimi atuarfiit, taakkunani atugarisat angusallu pillugit immikkut sammisaqarpugut. Tamatumani aallaaviuvoq Atugarissaarnermut Akileraartarnermullu ataatsimiititaliarsuup oqallisissiaa.
Maannakkorpiaq ataatsimiititaliarsuup innersuussutai tamanut saqqummiunneqarsima-leeerput – ersarilluinnarporlu: amerlasuut ajunngitsumik ingerlapput; kisianni meeqqat inuusuttullu amerlanerpaat ilinniagaqalernissaminnut pitsaanerusunik tunngavissaqartariaqarput. Tassaapput, maanakkut atugarissaartitsinissamut aqqutissatta pigiinnarnissaannut ineriartortinnissaannullu pisariaqartinneqartut. Pisariaqartinneqarput Danmarkimiit ataatsimoortumik tapiissutaasartut katakkiartuaarneqarnsisaannut Namminersortunngornerullu piviusunngornissaanut atorfissaqartinneqartut.

Aamma tassunga ilanngukkusuppara Piareersarfik. Atuartut amerlavallaat toqqaannartu-mik meeqqat atuarfianneersuusarput. Piareersarfik tassaassanngilaq 11. klasse nutaaq – eqqarsaataavoq tunngaviusumik atuarfigisamiit nutaamik ilinniagaqalernissamut atuaqqinnermulluunniit faagini ilinniakkanik qaffassaaffissatut annertussaaffissatulluunniit.

Angajoqqaat soorunami nangittumik meeqqaminnut akisussaasuupput, aammalu meeqqat pitsaasumik atuartinneqarnissaannut perorsarneqarnissaannullu sinaakkutissanik pilersitseqataanissamut. Tungiuinermut ingerlatsiviup taamatut akisussaaffimmik tigusinissamut nukissaqanngitsut ikiortariaqarpai.

Taama ippoq aamma atuartut sinniisaat akisussaaffeqarmata meeqqat ersarissumik oqaaseqartartuisut, ilinniartitsisut aqutsisullu eqqarsaatigalugit.

Takorluugaraara atuarfik suiaassutsinut marlunnut inissaqartitsisoq aammalu atuarfik, atuagarsornikkut ilisimasassatigut qitiutitsisoq, tamatumunngalu peqatigitillugu inuttut ilivitsunngortitsisinnaasoq, imaasillugu poqissutsit tamaasa sunniuteqarfigalugit – minnerun-ngitsumik isumassarsiornermut, pilersitsinermut nipilersornermullu tunngasut, timersorneq aammalu pinngortitap pissarititaanik ilisimasaqarlualernissaq eqqarsaatigalugit.

Atuarfik, oqaluttuarisaanerup siunissallu akornanni oqimaaqatigiissitsisoq. Oqaluttuatoqqat teknologilu. Oqaluttualiat facebook-ilu. Nunarsuarmioqataasutut inuuvugut, kisiannili sumiissusersiuteqarnissarput pisariaqartipparput – kulturillu sorlaqarfik.

Neriuppunga siunnerfilimmik pilersitaqarfiusumillu isumasioqatigiikkumaartugut, kikkut tamarmik tusaaneqarfiat, sammisassallu kiffaanngissuseqartumik eqqartueqatigiiffigineqarlutik. Kiisalu isumasioqatigiinnermi nassuitsunik angusaqartoqarnissaa qilanaaraara.



Qujanaq