Ittoqqortoormiini nannuttassat tamakkerneqarput
Attaveqarfik
Kommuneqarfik SERMERSOOQ Borgmesterip Allattoqarfia Kuussuaq 2Postboks 1005
3900 Nuuk Tlf.: 36 70 00 Fax: 31 11 51
E-mail: kommuneqarfik@sermersooq.gl Ammasarfii
Future Greenland
Naalakkersuisut siulittaasuat, ataatsimeersuarnermik aaqqissuisut, saqqummiisut ataatsi-meersuarnermilu peqataasut – arnat angutillu. Tamassinnut kumoorn. Ataatsimeersuarnerup pingaarutilimmik sammisaqarfiusup "Future Greenland"-ip ulluata aappassaanut tikilluangaaritsi.
Ataatsimeersuarnerup unnugu naggaserneqarnerani Kalaallit Nunaata siunissaata illinersiornissaanut ataatsimoortumik siunissaqarnissatta qulakkeerneqarnissaa uannut, KS-imi borgmesteritut, qitiulluinnarpoq; assigiinngissutsit oqaluttuarisaanikkullu tunngaviit ataqqillugit, aammali kalaallit – danskillu ataatsimut oqaluttuarisaanerat ataqqillugu.
Kalaallit Nunaat ukiuni makkunani nunarsuarmi annertuumik sammineqarpoq – silap pissussiisa allanngoriartorneri, maani tigussaalersimallutillu takussaalersimasut pissutigalugit, aammalu nunarsuarmioqatigiit nunatta nunap iluani pisuussuteqarfigeqi-saanik uuliasiornerat aatsitassarsiornerallu pissutigalugu.
Taamaammat nammineerluta eqeersimaarlutalu Kalaallit Nunaata siunissaanut isummernissarput pingaaruteqarluinnarpoq – isummerfiginngikkutsigummi tamatuminnga allanut tunniussinerussammat.
Unammilligassat amerlapput – taamatullu aamma takorluukkat.
Namminersorluta oqartussaanerput suli nutaajusoq ”nation-building”-imik pimoorussamik aallartitsivoq. Ingerlavipput taanna ilummut qiviarnissatsinnik piumasaqarfiuvoq, isumaginninnikkut piorsarsimassutsikkullu iluarsiiniarnissaq qulakkeerniarlugu, tamat oqartussaaqataanerat nukittorsaaviginiarlugu kikkullu tamaasa pisariaqartinnerat inissaqartinnerallu takutinniarlugu.
Peqatigisaanik nunarsuarmut siaruarnerup unammilligassartai piareersimaffigissavavut. Periarfissanik imaqarlutillu pinngitsuugaqarsinnaajunnaarnermik nutaamik nassataqaratarsinnaapput – nunamiunngitsoq inuianniunngitsorlu, suliffeqarfissuarnillu aningaasaatilinnillu pissaanilissuarnut.
Uagut unammilligassavut tassaassapput periarfissanik atorluaanissap nutaamillu pinngitsuugaqarsinnaajunnaarnaveersaarnissap oqimaaqatigiissinniarnissaat.
Ataatsimeersuarnermi sammisat ataanniittut soqutiginarput. People, planet aamma profit-ip mianerinissaannut tunngatillugu taakku aallaavittut imminnut unammillertuupput. Arlaata sorliup mianerinissaa siunissami pingaarnerutinneqassava - maannamummi profit-itaa mianerineqarnerusimavoq.
CSR aqqutigalugu nunarsuarmi nutaamik suliassaqalerpoq. Atuisut aningaasaliisullu iluanaarutissanik mianerinninnissap inunnillu avatangiisinillu mianerinninnissap akornanni nutaamik naammaginartumillu oqimaaqatigiissitsinissamik piumasaqaateqarput. Oqimaaqatigiissitsinissamik piumasaqaat taanna - naak imminut assortortutut isikkoqaraluarluni - suliffeqarfiit iluanaaruteqarnissaannut nutaamik tunngavissanngorsimavoq – tamannalu aamma maanna Kalaallit Nunaanni suliffeqarfinnut atuutilersimalluni.
CSR-Greenlandip annertuumik tapersersorneqarnera, akisussaaffimmik piumasaqaammillu tigusinissamut piareersimanissinnut takussutissatut isigaara. Inuussutissarsiornikkut suliffeqarfissinnut piumasaqaataagaluarluni, peqatigisaanik suliniutaavoq pingaarutilik inuiaqatigiinnullu tunngatillugu tapersiinerulluni.
Ineriartorneq taanna tikilluaqqorusuppara inuiaqatigiinnullu tunngatillugu ilinniarfeqarfiit, politikerit qinikkat soqutigisaqaqatigiiffiillu kinguneqartussamik suleqatiginerisigut pimoorussinersi Kalaallit Nunaata siunissaanut pitsaasumik tunniussaqarfiunissaa isumalluarfigalugu. Suliassat nutaat taakku ilutsinni katersuutitsinissaannik avammullu ataatsimoortumik aallaveqalernissatsinnut neriuuteqarfigaakka.
Inuussutissarsiortut nukittuujunissaat pisariaqartipparput, aamma annertusaasoqarnissaa annertunerusumillu tunisassiortoqarnissaa imminullu annertunerumik pilersor-sinnaalernissaq pisariaqartippagut. Nukiit nutaaliorusuttut periarfissittariaqarpagut inuullu immini pilersitserusunnera periarfissillugu. Tamanna nutaamik eqqarsarnermik pilersitsissaaq. Tassaniippoq innuttaasut eqeersimaartumik peqataaffigisaannik namminersuutigalugulu suliniuteqarfigisaannik inuiaqatigiit ineriartortinneqarnissaannut kiffaanngissuseqarnissamut tunngavissaq.
Nutaamik eqqarsarnissap ileqqutoqqallu iperarnissaasa pisariaqartinneqarnerat ineriartor-nermik ataqatigiiffiusumik oqimaaqatigiissumillu qulakkiigaqarnissatsinnut atatinneqassaaq, qanga pisimasut siunissamilu pisussat atassusilerneqassallutik – silatitsinniinnaanngitsoq aammali inummi ataasiakkaami. ”Qanga Kalaallit Nunaaju-simasumi” naleqartitat inuunermilu najoqqutassat ”Future Greenland”-imi ilisarineqarsinnaassapput. Eqqumiitsuliorneq, oqaluttuartarneq, pinngortitamik paasisimanninneq piffissallu ingerlanerani ileqqorineqartut attaviliisuupput.
Sammisat ataanniittut Kalaallit Nunaatalu iluani pineqartut aammalu susassaqarfiit qitiusut CSR-mi suleqatigiinnermi immikkoorluta politikerillu inuussutissarsiortullu peqatigalugit sulissuteqarfigisinnaasagut uterfigeqqilaarusuppakka.
People
Inuiaqatigiit suliffeqarfiillu innuttaasut inersimasut ilinniarluarsimasut tamatigoortullu assassorissatigut, allattariarsornikkut oqaatsitigullu piginnaasallit pisariaqartippaat.
Tamanna meeqqat atuarfiannik nukittorsagaasimasumik, meeqqat inuunerminni aqqutissa-minnik toqqaanissaminnut periarfissaqarnissaannik qulakkeerisumik piu-masaqaateqarfiuvoq. Atuarfik nukappiaqqanut niviarsiaqqanullu inissaqartitsisoq, atuarfillu atuagarsornikkut piginnaasaniinnaq sammisaqarfiunani aammali silassorissutsikkut piginnaasanik tamanik ineriartortitsiviulluni inunnik ilivitsunik pilersitsiviusoq – minnerunngitsumik nutaaliornikkut, pilersitsiniarnikkut, nipilersornikkut timersornikkullu piginnaasanik nittarsaassinikkut pinngortitallu periarfissarpassuinik atuinissamut sungiussisimanikkut.
Innuttaasut pisinnaassutsimikkut nukittuut aammalu tamat oqartussaaqataanerisa sullissiviillu tamat oqartussaaqataaffigisaannik ineriartortitsinissamut pisariaqartinneqarput. Innuttaasut pisinnaassutsimikkut nukittuut aamma imminut pilersornissamut, isumaginninnikkut assigiinngissutaasumut, ullumikkut Kalaallit Nunaannut ilisarnaataasumut, aqqutissaapput.
Pisariaqartoq alla tassaavoq najugaqarfeeqqani tunisassiornissamut periarfissat suliffe-qarfiillu annertusaavigineqarnissaat. Tamatumani iluanaaruteqarnissap mianerineqarnera unammillerneqangaatsiassaaq. CSR-imut annialerfissaq unammillerusuppara – inuiaqatigiinnut tun-ngatillugu akisussaassuseq – susassaqarfimmi tassanerpiaq. Suliffeqarfiit inissisimaffigiumasaannut innuttaasut tamaasa nuussinnaanngilagut.
Suiaassutsikkut ajornartorsiutit aamma ataatsimeersuarnermi oqaluuserisassanut ilanngun-neqarsimapput. Sammisaq pingaarutilik Kalaallit Nunaannut tunngatillugu immikkut isiginiarneqartoq. Tassani arnat inuiaqatigiinni inissisimaffinnut pissaaneqarfiusunut naligiissumik periarfissaqartinneqarnissaat pineqarpoq. Suliffeqarfeqarfinni allani arnat amerlasuupilussuupput. Tamanna Kalaallit Nunaanni angutit ileqquusumik inissisimanerannik tatisivoq. Tamanna ernumanartortaqarpoq. Arnat angutillu akornanni oqimaaqatigiikkunnaarnermik pilersitsisimavoq, kalaallinullu anguterpassuarnut unammilligassaassagunarpoq inuiaqatigiinnut ilaqutariinnullu naleqqiullugu tuniseqataasutut pingaarutilimmik allatut inissisimaffissaminnik nassaarniarnissaat.
Planet:
Pinngortitamik mianerinninnissaq ”Future Greenland”-imi pingaaruteqarluinnarpoq. Nunat tamat suliffeqarfiinut nunatta iluani pisuussutinik atorluaanissamut aningaasatigut soqutigisalinnut avatangiisitigut piumasaqaasiussatsigut tunniutiinnassanngilagut. Nunarsuarmimi mingutsitsineq, imaatigut silaannakkullu maanga annguttartoq uumasunilu piniakkatsinni toqunartutut katersuutsitsisartoq, uatsinnut sunniuteqareerpoq.
Peqatigisaanik namminneerluta avatangiisinik illersuinermi inuusaasitsinnilu piujuaannartitsinissamik siunertaqarluni eqqarsarnerutsigut tunniusseqataanerusariaqarpugut. Inuussutissanik imminut pilersorsinnaaneruneq, eqqagassalerineq nukissiuutinillu ataavartunik atorluaaneq – susassaqarfiupput CSR-ip pingaarutilimmik inissisimaffigisinnaasai.
Profit
CSR, CSR Greenland-illu pilersinneqarnera immikkut isiginiarlugu nunarsuarmioqatigiinnut ilaanitsinnik nunarsuullu sinneranit immikkooqqasutut pissuseqarsinnaanngitsinnik eqqaaseqqinneqarpugut. Tamanna pitsaasuuvoq. Aammattaaq piviusuuvoq nunat akornanni naligiittoqaranilu piitsoqarnera, soorlu aamma nunat akornanni suliassanik agguataarineq aningaasatigut periarfissanik naligiinngitsunik pilersitsisartoq. CSR aamma avammut isiginiarnissamut pisussaaffiliivoq, taamaammat maani nu-natsinni aningaasaqarnikkut annertusaanissamut siunissami iliuusissat nunarsuup aaqqissuussaanerata naapertuilluarnerunissaanut suleqataanissatsinnut aqqutissiuisariaqarput.
Naggasiineq
CSR immikkuualuttortaalu misissoraluttuinnartillugit, alutornartut ilisarnartullu amerligaluttuinnarput.
People, planet, profit – taamatut eqqarsartaaseqarneq maani nunatsinni inuunermik paasin-nittaatsimik, inuunermi najoqqutassanik inuunermillu isiginnaatsimik kinguaariit perorsagaasimanerannut qanittuararsuuvoq:
Suut tamaasa ataqatigiissuunerannik isumaqarneq, pinngortitap illersorneqarnissaata pisariaqartuunera ataqqineqarnissaalu, suliassanilu ataatsimoorussassani nukiit ka-tersornissaat.
Tamanna nukittunerulersimalluta ersarissumillu nipeqarluta ’sassuma arnaanik’ oqaluttuaqtoqqap oqaluttuareqqissinnaanissaanik isumaqarpoq – nunarsuarmi tamarni meeqqanit tusaaneqarnissaanik upperisaqarluta, inuup suli anginerusumut attuumassuteqarneranik eqqaaseqqullugit – tassalu avataarsuanut.
Qinnut
Nattoralissuit
Arfivissuit
Nanoqqivissuit
Inuk inunnguit
Silap naalagaanut
Unnerlulaarisa
Prayer
The big eagle, king of the skies –
the big whale, Neptune of the seas –
the fullgrown polarbear, emporer of the ice –
and you – the humble man, slave of confusion,
go and tell the masters of the world
that the numbers of polluting planes,
ships and submarines are threatening my air,
my water and my mind –
please bring my complaints to the masters