Nunatsinni Sulorarluni pissartanngunniutivinnerit 2011

170 –it missaanniillusi ulluni tullittuni arfinilinni ilissinnut unammisaqattaarniarpusi. Unammeriaatsini assigiinngitsuni kina/kikkut nuntsinni 2011-mi pisartaanersut aalajangerneqasinnaaqqullugu.

Soorunami immissinnut unammisassaasi, aamma ajugaaneq angusarissaarnerlu imminermini qanoq nuannertigisoq ilisimaneqarluarpoq; taamaakkaluartoq naatsorsuutigilluinnarpara pissartanngorniuteqataanermi ataasiakkaarlusi aamma ilissinnut unammillertarumaartusi maannamut angusarisimasat suli pitsaaneruleqqullugit, takorloorparattaaq peqataanerup nuannersortaanik pingaartitsillusi unammeqataajumaartusi.

Timersornerup silarsuaa alutornartuuvoq timersortartullu nuannaartunartuullutik, soorlu makkunuunatigut:

- Timersorneq pinnguallaqqissunngortitsisarpoq, meeraagaanni inersimasuugaanniluunnit,

- Timersortartut tiguartiffigisaminnik aallutaqartarput, anguniagaqartarput ilungersorlutik piviusunngortinniartakkaminnik,

- Piginnaanillit inuusuttut misilittagaqqortuunik naapitaqartarput ikinngutigiinnerillu nutaat pilertarlutik,

- Timersortartut unammiuaarnerit aqqutigalugit ikinngutigiilerlutik suleqatigiilertarmata, unammisarlutillu nunarsuarmi tamarmi malittarisassat akuerisaasut tunngavigalugit, nunanullu allanut angalanerminni nunat killeqarfii akimorlugit kammalaatitaartortarlutik,

Ilissi sulorarnermik allutaqarpusi – timersuut Nunatta avataani Kangiani nuannarineqarluartoq, soorlu Kina-mi, Malaysia-mi, Korea-mi aamma Japan-imi, aammali Tuluit Nunaanni Danmarkimilu inuppassuarnik timersuutaavoq – amerlasuut nuannariinnarlugu ingerlatarivaat immikkullu piginnaaneqarluartut unammisartutut aallullugu.