Nunaqarfimmi aqutsisussanik qinersinissaq

Nunaqarfimmi aqutsisussanik qinersinissaq

Matumani qinersinissami nutaartaavoq Qinersinermi Siulersuisut (Valgbestyrelsit) 18-iussanngimmata, kommunerujussuarnili sisamaallutik.

Qinersinermi Siulersuisut qinersineq piareersassavaat siulersorlugulu.

Qinersinermi atortussat nutaat ataatsimoorussanik nunaqarfinni aqutsisunut qinersinissamut naleqqussak-kat suliarineqassapput. Qinersinermi atortussat qinersinermik siulersuisunut sisamaasunut nassiussuun-neqassapput. Qinersinermik siulersuisut atortussat tiguniariarlugit taasiartorfinnut apuuffissaannut siaruar-ternissaat isumagissavaat.

Kommunalbestyrelsinut, nunaqarfinni aqutsisunut ilagiillu sinniisaannut qinersisarneq pillugu Inatsisartut inatsisaanni nr. 10, 31. oktober 1996-imeersumi § 6, imm. 2, aappassaannik iluarsiivigisaq, (kommuninut qinersisarnermut inatsit) aamma kommunini suliassaqarfiit aaqqissuuteqqinneqarnerat pillugu Inatsisartut inatsisaanni nr. 14, 19. november 2007-imeersumi § 2, imm. 1 (immikkut inatsit) naapertorlugit Qinersi-nermut Ataatsimiititaliap ulluliivigaa

Ataatsimoorussanik nunaqarfinni aqutsisunut qinersinissaq

marlunngornermi 28. april 2009

Nunaqarfinni aqutsisunut qinersinissami qinigassanngortitanik nalunaaruteqarnissamut killili-unneqarpoq qinersinissaq kingusinnerpaamik ullunik 10-nik sioqqullugu, t.i.

tallimanngorneq 17. april 2009 nal. 12.00

Qinigassanngortitanik nalunaarutit nunaqarfimmi taaguinermik siulersuisumut tunniunne-qassapput.

Ataatsimoorussanik aamma nunaqarfimmi ataatsimi aqutsisuni ilaasortassat amerlas-susissaat Naalakkersuisut aalajangersarpaat kinguliinisut:

Kommuneqarfik Sermersuumi, ataatsimoorussanik nunaqarfinni aqutsisut 3 aamma nunaqarfimmi aqutsisut

1. Kulusuk, Tiniteqilaaq, Isortoq, ilaasortat 5

2. Kuummiut, Sermiligaaq, ilaasortat 5

3. Kapisillit, Qeqertarsuatsiaat, 3

4. Arsuk, ilaasortat 3

Nunaqarfinni Aqutsisunut qinersisinnaatitaasut

Qinersisartut allassimaffianni ilanngunneqarnissamut piumasaqaataapput kommunalbestyrelsimut qinersi-sinnaatitaanissamut piumasaqaatinik eqquutsitsineq aammalu qinersinissaq sioqqullugu kingusinnerpaa-mik ulluni 14-ini nunaqarfimmi najugaqarsimaneq, t.i. marlunngornermi 14. april 2009.

Qinigaasinnaatitaanissamut piumasaqaatit

Kinaluunniit nunaqarfinni aqutsisunut qinersisinnaatitaanermut piumasaqaatinik naammassinnissimasoq aallaaviatigut qinigaaffimmut pineqartumut qinigaasinnaatitaavoq:

􀂃 ukiut kingulliit tallimat ingerlaneranni inaarutaasumik eqqartuussinikkut akiliisitsissutissamil-luunniit akuersinikkut pinerluttulerinermi inatsisit tunngavigalugit pineqaatissinneqarsiman-ngikkuni imaluunniit ukiut kingulliit pingasut ingerlaneranni iliuuserisamut nalinginnaasumik i-sigineqarnermi suliassaqarfimmut pineqartumut ilaasortaanissamut naleqqukkunnaarsitsisu-mik pinerluttulerinermi inatsisit tunngavigalugit pineqaatissinneqarsimanngikkuni.

􀂃 Piffissaliussat ullormit qinersivimmiit, t.i. 28. april 2009-miit naatsorsorneqarput

Taamaattoq inuk qinigassanngortissinnaajuaannarpoq pinerluttulerinermi inatsisit malillugit pineqaatissii-simanermik pissuteqartumik qinigaasinnaannginnera pillugu akerliliisoqaraluarpalluunniit.

Qinigaasinnaassuseq pillugu ataatsimiititap qinersinerup kingornatigut aalajangissavaa nunaqarfimmi aqutsisunut ilaasortaq qinigaasinnaanerminik annaasaqarsimanersoq.

Qinersitittinermi aqutsisut Kommuneqarfik Sermersuup nunaqarfiini:

Qinersinermi ataqatigiissaarisoq NUUK

Qinersitittinermi aqutsisut Kommuneqarfik Sermersuup nunaqarfiini:

Kapisillit

Qeqertarsuatsiaat

ARSUK

Angmassalimmi:

Nunaqarfinni aqutsisunut qinersinissami qinersisussat allattorsimaffii

Ulloq qinersivissaq aalajangerneqareerpat qinersinermik siulersuisut inuit kingusinnerpaamik ullormi qi-

nersivissami qinersisinnaatitaasutut piumasaqaatinik eqquutsitsisut kiisalu qinersivimmi pineqartumi inuit aqqisa nalunaarsorsimaffiannut nalunaarsimasut qinersinermut allattorsimaffiat suliarissavaat.

􀂃 Qinersisussat allattorsimaffianni ilaatinneqassapput inuit ulloq qinersivissaq kingusinnerpaamik ul-lunik 14-inik sioqqullugu qinersivimmut nuussimasut kingusinnerpaamillu ulloq taanna - marlun-ngorneq 14. april 2009 - nuunnerminnik kommunimi inuit aqqisa nalunaarsorsimaffiannut nalunaaru-tiginnissimasut.

􀂃 Qinersisartut ullup qinersivissap siornatigut ullut 14-init kingusinnerusukkut qinersiviup avataani aa-lajangersimasumik najugaqalersimasut qinersinermik siulersuisunit qinersisussat allattorsimaffiannit peerneqassapput.

Qinersisussat allattorsimaffianniissapput ukununnga allaffissat:

• qinersisartup atii tamakkerlugit

• ulloq inunngorfik

• nunaqarfimmi aqutsisunut qinersinermi krydsiliiffissaq

Qinersisussat allattorsimaffiat suliarineqarnermi kinguninngua nunaqarfimmi tamanit takuneqarsinnaasumi ulluinnarni marlunni saqqumitinneqassaaq.

Qinersisussat allattorsimaffiata qaqugu sumilu saqqumitinneqarnissaa qinersinermi siulersuisut aalaja-ngissavaat. Qinersisussat allattorsimaffiisa saqqummiunneqarnissaat sioqqullugu piffissaalluartillugu ta-manut nalunaarutiginnittoqassaaq.

Qinersisussat allattorsimaffii pillugit naammagittaalliuutit

Kinaluunniit isumaqartoq nammineq imaluunniit inuk alla pissutissaqanngitsumik allattorsimaffimmi ilan-ngunneqarsimanngitsoq imaluunniit ilanngunneqarsimasoq, qinersisussat allattorsimaffiata saqqumitinne-qarfissaata naanerata kingorna kingusinnerpaamik ulluinnaat marluk qaangiutsinnagit qinersinermi siuler-suisunut naammagittaalliornermut pissutaasut naatsumik taallugit allakkatigut naammagittaalliuuteqarsin-naavoq.

Qinersisussat allattorsimaffiat pillugu naammagittaalliuutit sapinngisamik piaarnerpaamik qinersinermi siulersuisunit aalajangiiffigineqassapput. Qinersisussat allattorsimaffii tamatuma kingorna iluarsineqarsi-masut qinersinermi siulersuisut siulittaasuannit atsiorneqassapput.

Qinersisartoq qinersisussat allattorsimaffiannit peerneqassasoq qinersinermi siulersuisut aalajangiippata, tamanna pillugu qinersisartoq qinersinermi siulersuisunit allaganngorlugu nalunaarfigineqassaaq. Nammi-neq inuulluunniit allap ilanngunneqarsimannginneranik naammagittaalliuut isumaqatigineqanngippat taa-matuttaaq qinersinermi siulersuisut tamanna naammagittaalliuuteqartumut allaganngorlugu nalunaaruti-gissavaat.

Inuup qinersisartut allattorsimaffiannut ilanngunneqarnissaminut itigartitsinermik naammaginninngitsup qinersisussat allattorsimaffiisa iluarsineqarnerisa kingornatigut ulluinnaat marluk qaangiutsinnagit apeqqut allakkatigut saqqummiussinnaavaa Qinersinermut Ataatsimiititaliamut inaarutaasumik aalajangiisussamut. Qinersinermut Ataatsimiititaliap naammagittaalliortoq qinersinermilu siulersuisut attuumassuteqartut aala-jangiinerminik ilisimatitsissuteqarfigissavai. Taamaalereerpat qinersinermi siulersuisut qinersisartut allat-torsimaffianni pisariaqartinneqartunik iluarsiissuteqassapput.

Aammattaaq qinersisussat allattorsimaffiannik allannguisoqarsinnaanngilaq taanna qinersinermi siulersui-sunit iluarsineqareersimappat aammalu Qinersinermut Ataatsimiititaliap naammagittaalliuummut aalaja-ngiinera naapertorlugu iluarsineqareersimassappat.

Inuk qinersisussat allattorsimaffianni ilanngunneqarsimanngitsoq naammagittaalliornissamut piffissarititaa-sup qaangiutinnginnerani nammineerluni imaluunniit alla aqqutigalugu qinersinermik siulersuisunut naammagittaalliuuteqarsimanngitsoq qinersisussat allattorsimaffianni ilanngunneqarnissani pillugu apeq-qummik qinersinermi siulersuisunut imaluunniit Qinersinermut Ataatsimiititaliamut kingusinnerusukkut saqqummiussisinnaanngilaq.

Qinigassanngortittunik qinigassanngortitsineq nalunaarutiginninnerlu

Qinigassanngortissinnaatitaaneq

Partiit qinersinermut peqataanissaminnut qinigassanngortitsisinnaatitaapput partii inatsisartunut qinersi-nermi kingullermi inatsisartuni ilaasortaatitaqalersimappat sulilu tassani ilaasortaatitaqarpat. Kiisalu partiit nutaat qinigassanngortitsisinnaatitaapput kingusinnerpaamik qinersinissaq sapaatit akunnerinik tallimanik sioqqullugu Qinersinermut Ataatsimiititaliamut nalunaarutigineqarsimagunik. Qinersinermut Ataatsimiitita-liap partiimik akuersissuteqarnera qinersisoqareernissaata tungaanut atuutissaaq, taamaattoq sivikinner-paamik ukiumi ataatsimi.

Partiit kattusseqatigiinnissamik/qinigassanngorteqatigiinnissamik isumaqatigiissuteqarsinnaanngillat.

Peqatigiiffiit nunalu tamakkerlugu kattuffiit il.il. qinersinissamut qinigassanngortitsisut partiitut qinigassan-ngortissinnaatitaanissamut maleruaqqusanik naammassinnissimassapput qanorluunniit taaguusersimaga-luarunik.

Qinigassanngortittut qinigassanngortissinnaapput

• partiip qinigassanngortitsisinnaatitaasup qinigassanngortitaatut

• kisimiillutik qinigassanngortittutut

• kisimiillutik qinigassanngortittutut kattusseqateqarlutik

Partii sinnerlugu qinigassanngortittunik nalunaarutiginninneq

Partii sinnerlugu qinigassanngortittut nalunaarutigineqarnerat Qinersinermut Ataatsimiititaliap partiip qini-gassanngortitaanut immersuiffissatut suliarisimasaani pissaaq. QINIGASSANNGORTITTUNIK NALU-NAARUTIGINNINNERMI IMMERSUIFFISSAT NUTAANNGITSUT AKUERSILLUNI NALUNAARUTITA-QANNGITSUT ATORNISSAAT AJORNARPOQ. QINIGASSANNGORTITTUNIK NALUNAARUTIGIN-NINNERMI IMMERSUIFFISSAT NUTAAT TAAGUUTEQARPUT ”FORM B01-X”, immersuiffissami tassa-ni akuersilluni nalunaarut (tassa samtykkeerklæring) ilanngunneqareerpoq.

Nunaqarfimmi aqutsisunut qinersinermut partiip qinigassanngortitaanik nalunaarutiginniffissaq sungaar-tuuvoq.

Nalunaarutiginninneq nunaqarfimmi taaguinermik siulersuisumut tunniunneqassaaq, taanna qinersinermi siulersuisut sinnerlugit tigusisussaammat.

Partiip qinigassanngortitaanik nalunaarutiginninneq qinigassanngortittut aqqi, inuuii, atorfii najugaalu pillu-git paasissutissanik imaqassaaq. Qinigassanngortittut qinersinissamut qinigassanngortinnertik isumaqa-taaffigigitsik atsiornermikkut nalunaarutigisimassavaat. Nalunaarutiginninnermi taassumaluunniit assiline-qarnerini atsiortoqarsinnaavoq.

Partiip qinigassanngortitaanik nalunaarutiginninneq partiimi susassaqartunit, partiip malittarisassai malillu-git nunaqarfimmi aqutsisunut qinersinermut qinigassanngortittunik qinigassanngortitsinermik akuersissute-qartussanit atsiorneqarsimassaaq. Qinersinermi Siulersuisut tamanna uppernarsaaseqqusinnaavaat. Taamaattoqassappat partiip akisussaaffigaa uppernarsaatissat pisariaqartinneqartut nassiunneqarnissaat.

Partiit qinigassanngortittunik qinigassanngortitsinermut akuersissutaat partiit qinigassanngortitaannik na-lunaarutiginninnerisa assilineqarnerinik siuliini taaneqartutut atsiornilinnik taaguinermik siulersuisumut imaluunniit kommunimi qinersinermik siulersuisunut nassiussinikkut pisinnaapputtaaq.

Qinigassanngortitaq partiip akuersineranik nalunaarutiginnissimasoq partiip akuersissutigiumassanngip-pagu qinigassanngortitsineq atorsinnaanngitsutut isigineqassaaq. Taamatut pisoqarpat qinigassanngortit-tup pineqartup nammineq aalajangissavaa kisimiilluni qinigassanngortissanerluni.

Kisimiillutik qinigassanngortittut

Qinigassanngortittunik partiit avataanni, tassa kisimiillutik qinigassanngortittunik nalunaarutiginninneq Qinersinermut Ataatsimiititaliap qinigassanngortittunik nalunaarutiginninnermut immersuiffiliaani pissaaq nunaqarfimmilu taaguinermik siulersuisumut qinersinermi siulersuisut sinnerlugit nalunaarutiginninnermik tigusisussamut tunniunneqassalluni. QINIGASSANNGORTITTUNIK NALUNAARUTIGINNINNERMI IM-MERSUIFFISSAT NUTAANNGITSUT AKUERSILLUNI NALUNAARUTITAQANNGITSUT ATORNISSAAT AJORNARPOQ. QINIGASSANNGORTITTUNIK NALUNAARUTIGINNINNERMI IMMERSUIFFISSAT NUTAAT TAAGUUTEQARPUT ”FORM B02-X”, immersuiffissami tassani akuersilluni nalunaarut (sam-tykkeerklæring) ilanngunneqareerpoq.

Nunaqarfimmi aqutsisunut qinersinermut qinigassanngortitanik nalunaarutiginniffissaq sungaartuuvoq .

Kattusseqatigiit

Qinigassanngortittut marluk amerlanerusulluunniit qinersivimmi ataatsimi partiit avataanni qinigassanngor-tittut, tassa kisimiillutik qinigassanngortittut kattusseqatigiinnikkut tapersersoqatigiinniarlutik isumaqatigiis-sinnaapput.

Qinigassanngortittut kattusseqatigiinniarlutik isumaqatigiikkunik kattusseqatigiinni qinigassanngortittut tamarmik kattusseqateqarnissartik atsiorlutik akuersissutigisimassavaat. Atsiortoqarsinnaavoq qinigas-sanngorteqatip nalunaarutiginninnerani imaluunniit taassuma assilineqarnerini.

Kattusseqatigiinni qinigassanngortitat ilaata qinigassanngortinnerminut nalunaarutaa kattusseqatigiinnit tamarmiusunit akuersissutigalugu atsiorneqarsimanngippat qinigassanngortittoq kisimiilluni qinigassan-ngortittutut isigineqassaaq.

Qinigassanngortittoq kattusseqatigiinnut ataatsimit amerlanerusunut peqataasinnaanngilaq partiilu sinner-lugu qinigassanngortittoq qinigassanngortittunik allanik kattusseqateqalersinnaanngilaq.

Qinigassanngortitsisut

Kisimiillutik qinigassanngortittut nalunaarutigineqarneri qinersivimmi qinersisartunit qinigassanngortitsisunit ikinnerpaamik tallimanit amerlanerpaamillu qulinit atsiorneqarsimassapput. Atsiornerit nalunaarummi namminermi pisinnaapput taassumaluunniit assilineraniissinnaallutik. Nalunaarummi allassimassapput qinigassanngortitsisut tamarmik immikkut aqqi, inuuii, atorfii najugaallu. Qinigassanngortitsisut ilaat ataa-seq nalunaarut pillugu qinigassanngortitsisut tamaasa sinnerlugit saaffigineqarsinnaasutut allassimas-saaq. Qinigassanngortitsisut aqqi qinersisartumit allamit kimilluunniit piumasarineqarpata nalunaarutigine-qassapput.

Kinaluunniit qinigassanngortittunut ataatsimit amerlanerusunut qinigassanngortitsisuusinnaanngilaq. Aamma qinersisartoq taamaallaat qinersivimmi qinersisartut nalunaarsorsimaffianni nammineq allassimaf-fimmini qinigassanngortittunut qinigassanngortitsisuusinnaavoq.

Allakkatigut taasineq

Taasineq

Qinersisartut taasinerup nalaani piffissaliussatut aalajangersakkat iluanni taasiartorfimmiinnissaminnut ajornartorsiuteqartut tassaniissinnaanngitsulluunniit pappialamik taasivissamik nassiussinermikkut taasi-sinnaapput (allakkatigut taasineq).

Allakkatigut taasineq siusinnerpaamik pisinnaavoq qinersinissaq sap. akunnerinik arfinilinnik sioqqullugu, tassalu nunaqarfinni aqutsisunut qinersiniisamut siusinnerpaamik:

marlunngorneq 17. marts 2009

Kalaallit Nunaanni allakkatigut taasineq taamaallaat pisinnaavoq taasiartorfinni ataani taaneqartuni:

1) Qinersisartut taasisinnaapput inuit aqqinik nalunaarsuiffimmi, taamatuttaaq qinersivimmi qinersi-sussat allassimaffiannut allanneqarfigisimasaminni inuit aqqinik nalunaarsuiffimmi. Inuit aqqinik nalunaarsuiffittut aamma isigineqassapput Kalaallit Nunaanni inoqarfinni najugaqarfinnilu inuit aq-qinik nalunaarsuisup ikiortai.

2) Napparsimavinni imaluunniit peqqissartarfinni paarineqartarfinniluunniit allani uninngasut aamma-lu pinerluttulerinermik isumaginnittoqarfiup inissiisarfiini inissinneqarsimasut allakkatigut taasineri-nik kommunimi qinersisinnaatitaasumik tigooraasussamik kommunimi qinersinermi siulersuisut toqqaassapput. Inuk taanna inissisimaffiup pisortaa, taannalu pisinnaanngippat taassuma tuller-sortaa, peqatigalugu allakkatigut taasinernik tigooraassaaq.

3) Qinersisartut inoqarfinni avinngarusimasuni immikkut taasiartorfiunngitsuni najugaqartut inummut

qinersisinnaasumut kommunimi qinersinermik siulersuisunit attavigisaminnit toqqarneqarsimasu-mut taasisinnaapput.

4) Qinersisartut timmisartut mittarfiini, silasiorfinni il.il. kommunit aggornerisa avataanniittuni najuga-qartut inummut Qinersinermut Ataatsimiititaliamit piginnaatitaasumut taasisinnaapput.

Allakkatigut taasineq Kalaallit Nunaata avataani

Kalaallit Nunaata avataani allakkatigut taasineq pisinnaavoq taasiartorfinni ataani taaneqartuni:

1) Qinersisartut Danmarkimiittut imaluunniit Savalimmiuniittut inuit aqqinik nalunaarsuiffimmi ima-luunniit Kalaallit Nunaata Sinniisoqarfiani Københavnimiittumi taasisinnaapput.

2) Qinersisartut naalagaaffiup avataani najugaqartut qallunaat aallartitaqarfiini imaluunniit konsule-qarfiini taasisinnaapput.

Qinersisartut umiarsuarni Kalaallit Nunaanni angerlarsimaffeqartuniittut umiarsuup naalagaanit taassuma-luunniit toqqagaanit taasisinneqarsinnaapput.

Allakkatigut taasinernik tigooraasoq kinaluunniit qinersinissami nammineq qinigassanngortissimassanngi-laq.

Isertuussineq

Allakkatigut taasinissami periarfissiisoqassaaq qinersisartup pineqartup allanit isigineqarani pappiaranik taasivinnik immersuisinnaanissaanut. Qinersinertut ilusiliilluni ineeqqamik taasivissaqartitsinissaq pisaria-qanngilaq. Naammassaaq qinersisartup allattuiffissiami taamaaqataaniluunniit allanit akornusersorneqa-rani pappiaqqanik taasivinnik imersuisinnaanissaa. Allattuiffissiaq imaluunniit ineeraq taasivissaq inissin-neqarsimassaaq nakkutigineqarsinnaassalluni qinersisartoq pappiaqqanik taasivissanik il.il. nassarluni qimagussinnaajunnaarsillugu.

Kinaassutsimut uppernarsaatit

Taasinermi qinersisartut tamarmik piumaffigineqarnermikkut kinaassutsimut uppernarsaammik (biilinik ingerlatitsisinnaanermut uppernarsaat, pas, inuit normuannik uppernarsaat taamaaqataaluunniit) takutit-sissaaq, taamaalisoqareerpat allakkatigut taasinernik tigooraasup qinersisartumut tunniutissavai pappiara taasivissaq puussartaalu, allakkat malinnaatitaasut allakkallu puuat nassitsinermut atortussaq. Qinersiner-nut tamanut pappiarat taasiviit assigiipput. Qaqortuupput naqinneqarsimallutillu imatut "Allakkatigut taasi-vik"

.

Allakkatigut taasinissami atortussat

Kalaallit Nunaanni allakkatigut taasinermi:

Taasinermut atortussat pisariaqartinneqartut Qinersinermut Ataatsimiititaliamit pissarsiarineqarput ukuullu-tillu:

• Allakkat puuat nassitsivissaq (16 x 23 cm)

• allakkat malinnaatitaasut

• pappialap taasiviup puussaa (11,5 x 16 cm) aamma

• pappiala taasivissaq (10,5 x 14,5 cm)

Taasineq taamaallaat atorsinnaavoq taasinermi atortussat taakku atorneqarsimappata.

Kalaallit Nunaata avataani allakkatigut taasinermi:

Danmarkimi inuit taasisinneqarnerannut allakkatigut taasinissami atortussatut Velfærdsministeriap suliariti-tai atorneqassapput.